नेपाल सरकार, अर्थ मन्त्रालय, आन्तरिक राजस्व विभागबाट केही व्यवसायहरूले अनिवार्य रूपमा मूल्य अभिवृद्धि कर (VAT)मा दर्ता गर्नुपर्ने सूचना प्रकाशित भएको छ। यो नियम मूल्य अभिवृद्धि कर एन, २०५२ मा संशोधन गरेर बनाइएको हो। सबैले उक्त नियम पालना गरिदिन विभागबाट अनुरोध गरिएको छ।

के व्यवसाय गर्ने सबैले भ्याटमा दर्ता गर्नुपर्छ? क-कसले पर्छ?

सबैले पर्दैन। थ्रेसहोल्ड (Threshold) भन्दा बढीको कारोबार गर्ने र भ्याट (VAT) लाग्ने वस्तु तथा सेवाको कारोबार गर्ने व्यक्तिले दर्ता गर्नु पर्छ।

थ्रेसहोल्ड (Threshold) भनेको के हो ?

निश्चित रकमसम्मको वार्षिक कारोबार गर्ने साना व्यवसायीले भ्याटमा दर्ता गर्नु नपर्ने गरी कानुनले

तोके बमोजिमको कारोबार सीमा।

थ्रेसहोल्ड हाल कति तोकिएको छ ?

  • वस्तु जस्तै मोबाइल, टिभी, आदिको कारोबार गर्नेको हकमा १२ महिनामा ५० लाख रुपैयाँ
  • सेवा जस्तै इन्टरनेट, एनसेल वा एनटिसीले दिने संचार, कन्सल्टेन्सी, आदिको सेवा दिनेको हकमा १२ महिनामा रु. २० लाख
  • व्यावसायिक प्रयोजनको लागि करयोग्य वस्तु वा सेवा पैठारी गर्नेले एक पटकमा १० हजार रुपैयाँ

माथि उल्लेख गरेको भन्दा बढीको कारोबार गर्नेले अनिवार्य भ्याटमा दर्ता हुनुपर्छ।

के कस्ता व्यवसाय अनिवार्य दर्ता हुनुपर्छ?

  • इट्टा उत्पादन, मदिरा डिस्ट्रीब्युटर, वाइन सप, सफ्टवेयर, ट्रेकिङ, र्याफ्टिङ, अल्ट्रालाइट फ्लाइट, प्याराग्लाइडिङ, पर्यटन सवारी, क्रसर, बालुवा खानी, स्लेट र ढुङ्गा उद्योग सम्बन्धी व्यवसाय गर्ने व्यक्ति
  • महानगरपालिका, उपमहानगरपालिका क्षेत्र भित्र हार्डवेयर, सेनिटरी, फर्निचर, फिक्स्चर, फर्निसिङ्ग, अटोमोबाइल्स, मोटर पार्ट्स, इलेक्ट्रोनिक्स, मार्बल, शैक्षिक परामर्श, डिस्को थेक, हेल्थ क्लब, मसाज थेरापी, ब्युटीपार्लर, क्याटरिङ्ग सेवा, पार्टी प्यालेस व्यवसाय, पार्किङ सेवा, मेशिनरी उपकरण प्रयोग भएको ड्राइक्लिनर्स, बार सहितको रेस्टुरेन्ट, आइसक्रिम उद्योग, कलर ल्याब, बुटिक, सुटिङको सामान सहितको टेलरिङ्ग व्यवसाय, शिक्षण संस्था वा स्वास्थ्य संस्था वा अन्य निकायमा युनिफर्म आपूर्ति गर्ने व्यक्ति

क-कसले भ्याटमा दर्ता हुनुपर्दैन?

निम्न वस्तुको कारोबार गर्ने व्यवसायी भ्याटमा दर्ता हुनुपर्दैन:

  • आधारभूत कृषि उत्पादनहरू जस्तै धान, गहुँ
  • आधारभूत आवश्यकताका वस्तुहरू जस्तै धारा तथा ट्याङ्करबाट खुला रूपमा आपूर्ति हुने पिउने पानी
  • जीवजन्तु तथा सोको उपज जस्तै खसी, बोका र तिनका अङ्ग
  • कृषि सामाग्री जस्तै मल, बिउ, तथा कृषि औजार
  • औषधि उपचार तथा स्वास्थ्य सेवाहरू जस्तै अक्सिजन ग्यास, भ्याक्सिन
  • शिक्षा
  • किताब, अखबार र मुद्रण सामाग्रीहरू
  • कलात्मक र कालीगढी सेवा जस्तै चित्रकला, मूर्तिकला, वास्तुकला
  • यात्रुवाहक यातायात तथा ढुवानी सेवाहरू
  • व्यावसायिक वा पेसागत सेवा जस्तै कलाकार, डाक्टर, खेलाडी
  • अन्य वस्तु तथा सेवाहरू जस्तै नेपाल सरकारबाट संचालित हुलाक सेवा, वित्तीय सेवा, बिमा सेवा
  • भवन र जग्गा जस्तै घरजग्गाको खरिद, बिक्री र बहाल
  • बाजी, क्यासिनो र चिट्ठा

कहाँ सम्पर्क गर्ने?
फोन: ४२११३००, ४२११७४८

सूचना जस्ताको त्यस्तै:

 

0
0
0
s2sdefault

हाम्रो फेसबुक!

 

हाम्रो युट्युब!

उद्यमी नेपाल