दीपिका महर्जन एक युवा व्यवसायी हुन् । उनी विभिन्न खालका हस्तकला सामग्रीहरू बेच्ने र निर्यात पनि गर्ने गर्छिन् । उनीको पाटन ढोका स्थित ‘दिया हस्तकला’ नामक एक आकर्षक हस्तकलाहरू सजाइएको सोरुम छ । उनको कलेक्सनमा नेपालमै बनेका विभिन्न प्रकारका हस्तकला सामग्रीहरू जस्तै पश्मिना सल, जुटले बुनेका ब्यागहरू, नेपाली कपडाले बनेका लुगाहरू, स-साना मुर्तिहरु, पथ्थरले बनेका माला र हातमा लगाउने गहनाहरू र अन्य थुप्रै उपहार सामग्रीहरू राखिएका छन् । उनीले यस्ता सामग्रीहरू होलसेलमा किनेर ल्याउँछिन् र त्यही सामान रिटेल भाउमा बेच्छिन् ।

 उद्यमी नेपालको टिमले दीपिकासँग हस्तकला व्यवसाय सम्बन्धी गरेको सानो अन्तरवार्ताको आधारमा यो लेख तयार पारिएको हो ।

 १. यो व्यवसाय सुरु गर्ने सोच कसरी आयो ?

मैले यो व्यवसाय खोल्नु अघि केही वर्ष एउटा हस्तकला उत्पादन गर्ने संस्थामा काम गरेको थिएँ र त्यही काम गर्दा गर्दै आफैले हस्तकलाको व्यवसाय गर्ने सोच आयो । अहिले म र मेरो पाटनर मिलेर यो व्यवसाय सुरु गरेका हौँ ।hht22

२. यो व्यवसाय सुरु गर्न कति लगानी गर्नु भयो ?                                                                                          

हामीले यो व्यवसाय सुरु गर्नको लागि लगभग ४ लाखको लगानी गरेका छौँ ।

 ३. तपाईँ यो व्यवसायमा लाग्नु भएको कति वर्ष भयो ?

यो सोरूम खोलेको चाहिँ पाँच महिना भयो तर यही हस्तकला क्षेत्रमा काम गरेको चाहिँ पाँच वर्ष भैसक्यो ।

 ४. तपाईँले बेच्ने सामग्रीहरूको मार्केटिंग कसरी गर्नु हुन्छ ?

हालै मार्केटिङ्गको लागि भने भिजिटिङ्ग कार्ड बनाएका छौँ र हाम्रो व्यवसायको फेसबुक पेज पनि खोलेका छौँ र त्यसैको मार्फतबाट मार्केटिंङ्ग गर्छौँ ।

 ५. यो व्यवसायमा कतिको आम्दानी हुन्छ ?

अहिलेको समयमा प्राय युवाहरू नेपालमै बनेका नेपालीपन झल्किने खालका सामग्रीहरू प्रयोग गर्न रुचाएको देखिन्छ । हस्तकलाका सामग्रीहरू आफ्नो दैनिक प्रयोगको लागि पनि किन्ने र गिफ्ट दिनको लागि पनि किन्ने गर्छन् । बजारमा नेपाली हस्तकलाको माग बढेको छ । त्यसैले यो व्यवसायमा राम्रै आम्दानी छ भन्नु पर्‍यो । महिनामा पचास हजार देखि एक लाख सम्मको व्यापार हुने गरेको छ ।

 ६. यो व्यवसायले कति जनालाई काम दिएको छ ?

अहिले म र मेरो पाटनर नै पसलमा पालै-पिलो बस्छौँ र हामीले एक जना स्टाफ पनि राखेका छौँ ।

 ७.यस्तै व्यवसाय गर्न चाहनेहरूलाई के सुझाव दिन चाहनु हुन्छ ?

यो व्यवसाय सुरु गर्नु अघि केही आधारभूत कुराहरू जान्न जरुरी छ जस्तै हस्तकलाका सामान कहाँ बन्छ, कसरी बन्छ, र आफूले बेच्ने सामान कहाँबाट ल्याउने, आदि कुराको ज्ञान हुनु पर्छ । यसैगरी यो व्यवसायको देश भित्र मात्र नभएर देश बाहिर पनि त्यतिकै राम्रो अवसर छ, हस्तकलाका सामग्रीहरू विदेशमा निर्यात गरी आफ्नो व्यापार बढाउन पनि सकिन्छ भन्न चाहन्छु ।




0
0
0
s2sdefault

समाचार

माटो बिना नै यसरी गर्न सकिन्छ अर्गानिक तरकारी खेति
नेपालीहरूले भारतबाट ल्याएका विषादीयुक्त तरकारी खानुपर्ने...
सबै पढौं
धरानका युवाले सुरु गरेको खाना खान सिकाउने अनौठो व्यवसाय 
प्रियङ्का पराजुली भन्छिन्, “अस्वस्थकर जीवनशैलीका कारण...
सबै पढौं

व्यवसाय गाइड

यसरी गर्नुहोस् प्याज खेति
प्याजको भाउ आकाशिएको खबर हामी सबैले...
सबै पढौं

अवसरहरु

सरकारले नि:शुल्क खेती तथा पशुपालन गर्न तालिम दिँदै नया

बाह्य अनुसन्धान महाशाखा, खुमलटार...

सरकारले नि:शुल्क सीप विकास तालिम दिँदै, यसरी दिनुहोस् आवेदन! नया

भैंसेपाटी, ललितपुरको व्यावसायिक तथा...

नेपालको पहिलो महिला टेम्पो ड्राइभर र सफल महिला उद्यमी...

लक्ष्मी शर्मा, ६८ बर्षको हुनुभयो तर पनि ३४ बर्ष अघि एउटा एकल आमाको रुपमा व्यावसाय सुरु गर्दाको बेला जत्तिकै उर्जाशील हुनुहुन्छ।

सबै पढौं

व्यवसायको प्रक्रिया

उद्यमी नेपालले व्यवसाय सुरु गर्न देखि व्यवसाय चलाउन चाहिने सम्पूर्ण जानकारी र सहयोग उपलब्ध गराउँछ ।

व्यवसाय गर्ने निश्चित प्रक्रिया हुन्छ। प्रत्येक व्यवसायिक चरणमा अपनाउनु पर्ने कुराहरूको जानकारी लिएर व्यवसाय गरे व्यवसायमा सफलता हात पार्न सकिन्छ । व्यवसाय गर्दा चाहिने यस्तै अतिआवश्यक जानकारीहरू तपाइले पाउन सक्नुहुन्छ ।

पहिलो चरण

व्यवसाय सुरु गर्ने सोचमा

कुनै पनि व्यवसाय सुरु गर्न निर्णय लिने प्रक्रिया एकदमै महत्वपूर्ण हुन्छ। यसमा कुन व्यवसाय गर्ने , कस्तो प्रकारको व्यवसाय, कति लगानीको व्यवसाय गर्ने, यो क्षेत्रमा अरू व्यवसायीहरू के गर्छन् आदि सुरुवाती अनुसन्धान र निर्णयहरू पर्छन्।

दोश्रो चरण

व्यवसायिक योजनाको निर्माण

यसमा व्यवसाय गर्ने निर्णय गरिसकेपछि, योजना बनाउने प्रक्रिया, योजनाको निर्माण,संचालन योजना, वित्तीय योजना, बजार योजना जस्ता योजनाहरूको निर्माण, योजना कार्वानयन गर्न चाहिने रूपरेखा आदि पर्छन् ।

तेश्रो चरण

सुरु गर्ने प्रक्रिया - लगानी कर्ताको खोजी

यसमा व्यवसाय गर्ने निर्णय गरिसकेपछि, कारोबार सुरु गर्न अपनाउनु पर्ने प्रक्रिया, लगानीकर्ता वा व्यवसायिक पार्टनरको खोजी, व्यवसायको थालनी, नयाँ व्यवसायको बजार व्यवस्थापन, आदिको जानकारी पर्छन्।

चौथो चरण

व्यवसाय दर्ता गर्ने प्रक्रिया

यसमा व्यवसाय दर्ता गर्ने प्रक्रिया, ध्यान दिनुपर्ने कुरा, दर्ता गर्दा पालना गर्नुपर्ने नियमहरू, करकर्जा लगायत कानुनी प्रावधानका कुराहरू पर्छन्।

पाँचौ चरण

संचालन भइरहेको व्यवसाय व्यवस्थापन गर्न

यसमा संचालन भइरहेको व्यवसायलाई संचालन गर्दा ध्यान दिनुपर्ने कुराहरू, व्यवसायामा सुचना प्रविधीको प्रयोग, दैनिक विचार पुर्याउनुपर्ने कुराहरू, व्यवसायका लागि नयाँ अवशरहरू, वित्तीय व्यवस्थापन तथा अनुपालन, मानव संसाधन, आदि पर्छन्।

छैठौँ चरण

व्यवसाय समापन अथवा व्यवसाय वृद्दिको रणनिती अपनाउन

यसमा व्यवसाय बढ्दै जाँदा लिनुपर्ने रणनिती, व्यवसाय बढ्दै जाँदाको व्यवस्थापन, अथवा व्यवसाय बन्द गर्नु पर्ने अवस्थाहरू पर्छन्।