चाहे जुनसुकै मन्दिरमा जाँदा किन नहोस् सधैजसो मन्दिरको बाहिर कोही न कोही पूजा सामग्री लिएर बेचिरहेको देख्न सकिन्छ। थोरै लगानीमा सुरुवात गर्न सकिने यस्तो व्यवसाय धेरैको लागि सामान्य घरखर्च उठाउन निकै सहयोगी बन्दै आएको छ, भने कतिपयले त निकै राम्रो आम्दानी गर्ने गरेको पनि सुनिन्छ। उद्यमी नेपालको टिमले ललितपुरको बङ्गलामुखी मन्दिरको ढोकामा पूजा सामग्री बेच्न बसेकी महिलासँग गरेको कुराकानीका आधारमा यो लेख तयार पारिएको हो।

लगभग ५० वर्ष लागेकी सरस्वती, हरेक दिन मन्दिरको ढोका बाहिर राखेको छाप्रोमा बसेर पूजा सामग्रीहरू बेच्ने गर्छिन्। त्यहाँ उनी जस्तै पूजा सामग्री बेच्ने व्यवसायीहरुको समूह नै छ। पढ्ने अवसर नपाए पनि सामान्य हिसाब गर्न जान्ने उनीले यो पसल थापेर जिविकोपार्जन गर्न थालेको आज आठ वर्ष भईसक्यो। उनी कालीमाटिबाट किनेर ल्याएको धुप, नरिवल, फूल, बत्ती, जनै-सुपारी, अबिर आदि प्लास्टिकको सानोबोटामा राखेर सबेरै मन्दिर अगाडी बस्छिन् र भक्तजनहरुलाई मिठो मुस्कान सहित दिनभरि बेचेर साँझ घर फर्कीन्छिन्।

 सरस्वती भन्छिन् “व्यवसाय राम्ररी चल्नको लागि भाग्य बलियो हुनुपर्छ,  भाग्य चल्यो भने सातै दिनव्यापार चल्छ तर कहिले भने केही व्यापार हुँदैन।”

सामान्य अवस्थामा पनि दैनिक जसो करिव १०० जानाको हाराहारीमा भक्तजनहरु बङ्गलामुखी मन्दिरमा दर्शन गर्न आउने गर्दछन्। विशेष गरी बिहीबारको दिन यहाँ भक्तजनहरूको घुइँचो लाग्ने गर्दछ, त्यसदिन सरस्वतीको ब्यापार पनि राम्रो हुने गर्छ। त्यसै गरेर जनाई पूर्णिमाको दिन मन्दिरमा ठुलो मेला लाग्ने हुँदा सरस्वतीसँगै त्यसबेला यहाँका पुजा सामग्री बेच्ने सबैजसो व्यावसायीहरुले राम्रो आम्दानी गर्ने गरेका छन्।

स्थानीय नेवार समुदायकी उनले नेवारी भाषा मै भनिन् “यो काम गरेर धेरै पैसा कमाउन त गार्हो नै हुन्छ तर आफ्नो घर खर्च उठाउन भने मज्जाले सकिन्छ । त्यसमाथि झन् काठमाडौँ त मन्दिरै मन्दिरको सहर हो, अरू केही व्यवसाय गर्न नजाने पनि मन्दिर अगाडी बसेर डालोमा केही पूजा सामग्री राखेर बेच्न कसैले नसक्ने भन्ने नै छैन नि ।”

धेरै पढाई आवश्यकता नपर्ने र गाह्रो सिप सिकिराख्नु नपर्ने यस्तो व्यावसाय सरस्वतीको लागि मात्रै नभई नेपालमै केहि गरौँ भन्नेहरुको लागि राम्रो अवसर हुनसक्ने देखिन्छ ।

0
0
0
s2sdefault

समाचार

माटो बिना नै यसरी गर्न सकिन्छ अर्गानिक तरकारी खेति
नेपालीहरूले भारतबाट ल्याएका विषादीयुक्त तरकारी खानुपर्ने...
सबै पढौं
धरानका युवाले सुरु गरेको खाना खान सिकाउने अनौठो व्यवसाय 
प्रियङ्का पराजुली भन्छिन्, “अस्वस्थकर जीवनशैलीका कारण...
सबै पढौं

व्यवसाय गाइड

यसरी गर्नुहोस् प्याज खेति
प्याजको भाउ आकाशिएको खबर हामी सबैले...
सबै पढौं

अवसरहरु

सरकारले नि:शुल्क खेती तथा पशुपालन गर्न तालिम दिँदै नया

बाह्य अनुसन्धान महाशाखा, खुमलटार...

सरकारले नि:शुल्क सीप विकास तालिम दिँदै, यसरी दिनुहोस् आवेदन! नया

भैंसेपाटी, ललितपुरको व्यावसायिक तथा...

नेपालको पहिलो महिला टेम्पो ड्राइभर र सफल महिला उद्यमी...

लक्ष्मी शर्मा, ६८ बर्षको हुनुभयो तर पनि ३४ बर्ष अघि एउटा एकल आमाको रुपमा व्यावसाय सुरु गर्दाको बेला जत्तिकै उर्जाशील हुनुहुन्छ।

सबै पढौं

व्यवसायको प्रक्रिया

उद्यमी नेपालले व्यवसाय सुरु गर्न देखि व्यवसाय चलाउन चाहिने सम्पूर्ण जानकारी र सहयोग उपलब्ध गराउँछ ।

व्यवसाय गर्ने निश्चित प्रक्रिया हुन्छ। प्रत्येक व्यवसायिक चरणमा अपनाउनु पर्ने कुराहरूको जानकारी लिएर व्यवसाय गरे व्यवसायमा सफलता हात पार्न सकिन्छ । व्यवसाय गर्दा चाहिने यस्तै अतिआवश्यक जानकारीहरू तपाइले पाउन सक्नुहुन्छ ।

पहिलो चरण

व्यवसाय सुरु गर्ने सोचमा

कुनै पनि व्यवसाय सुरु गर्न निर्णय लिने प्रक्रिया एकदमै महत्वपूर्ण हुन्छ। यसमा कुन व्यवसाय गर्ने , कस्तो प्रकारको व्यवसाय, कति लगानीको व्यवसाय गर्ने, यो क्षेत्रमा अरू व्यवसायीहरू के गर्छन् आदि सुरुवाती अनुसन्धान र निर्णयहरू पर्छन्।

दोश्रो चरण

व्यवसायिक योजनाको निर्माण

यसमा व्यवसाय गर्ने निर्णय गरिसकेपछि, योजना बनाउने प्रक्रिया, योजनाको निर्माण,संचालन योजना, वित्तीय योजना, बजार योजना जस्ता योजनाहरूको निर्माण, योजना कार्वानयन गर्न चाहिने रूपरेखा आदि पर्छन् ।

तेश्रो चरण

सुरु गर्ने प्रक्रिया - लगानी कर्ताको खोजी

यसमा व्यवसाय गर्ने निर्णय गरिसकेपछि, कारोबार सुरु गर्न अपनाउनु पर्ने प्रक्रिया, लगानीकर्ता वा व्यवसायिक पार्टनरको खोजी, व्यवसायको थालनी, नयाँ व्यवसायको बजार व्यवस्थापन, आदिको जानकारी पर्छन्।

चौथो चरण

व्यवसाय दर्ता गर्ने प्रक्रिया

यसमा व्यवसाय दर्ता गर्ने प्रक्रिया, ध्यान दिनुपर्ने कुरा, दर्ता गर्दा पालना गर्नुपर्ने नियमहरू, करकर्जा लगायत कानुनी प्रावधानका कुराहरू पर्छन्।

पाँचौ चरण

संचालन भइरहेको व्यवसाय व्यवस्थापन गर्न

यसमा संचालन भइरहेको व्यवसायलाई संचालन गर्दा ध्यान दिनुपर्ने कुराहरू, व्यवसायामा सुचना प्रविधीको प्रयोग, दैनिक विचार पुर्याउनुपर्ने कुराहरू, व्यवसायका लागि नयाँ अवशरहरू, वित्तीय व्यवस्थापन तथा अनुपालन, मानव संसाधन, आदि पर्छन्।

छैठौँ चरण

व्यवसाय समापन अथवा व्यवसाय वृद्दिको रणनिती अपनाउन

यसमा व्यवसाय बढ्दै जाँदा लिनुपर्ने रणनिती, व्यवसाय बढ्दै जाँदाको व्यवस्थापन, अथवा व्यवसाय बन्द गर्नु पर्ने अवस्थाहरू पर्छन्।