Photo Source : Shuvayatra

एनएमबी बैङ्कले वैदेशिक रोजगारीबाट फर्केका दक्ष युवाहरूलाई उद्यम सञ्चालनका लागि १० लाखसम्म कर्जा दिन सुरु गरेको छ। एनएमबी बैङ्क, राष्ट्रिय युवा परिषद् र रिटर्नी माईग्रेन्ट नेपालबिच त्रिपक्षीय साझेदारी भएको ६ महिना पछि बैङ्कले ऋण दिन थालेको हो।

बैङ्कबाट ऋण लिन सुरुमा रिटर्नी माईग्रेन्ट नेपालबाट सिफारिस लिनुपर्ने हुन्छ। सिफारिस सहित अरू तोकिएको कागजात बैङ्कमा बुझाएपछि मात्र ऋण पाइन्छ। 

ऋण लिन के कस्तो योग्यता हुनुपर्छ?

  • उमेर ५५ वर्ष नकटेको
  • कम्तीमा ६ महिना विदेशमा काम गरेर फर्किएको
  • विदेशबाट फर्केर आएको ३ वर्ष नकटेको
  • कुनै पनि देशको स्थायी बसोबास ((PR/Green Card Holder) प्राप्त नगरेको
  • कर्जा सूचना केन्द्रको कालोसूचीमा नपरेको
  • अन्य कुनै बैङ्कबाट कुनै किसिमको ऋण नलिएको
  • वित्तीय साक्षरता तालिम लिएको

के कागजपत्र चाहिन्छ?

  • नेपाली नागरिकताको प्रतिलिपि
  • पासपोर्ट, भिसा, अराइभल स्टिकर, श्रम स्टिकरको प्रतिलिपि
  • विदेशमा सिकेको सीप खुल्ने कागजको प्रतिलिपि
  • विदेशमा सिकेको सीप उपयोग हुने व्यावसायिक परियोजना
  • व्यवसाय दर्ताको प्रमाणपत्रको प्रतिलिपि
  • प्यान (PAN) प्रमाणपत्रको प्रतिलिपि
  • सवारी साधनसँग सम्बन्धित व्यवसायका लागि आवेदन कर्ताको ड्राइभिङ लाइसेन्स अनिवार्य
  • लालपुर्जाको प्रतिलिपि (स्थायी ठेगाना ट्रेसका लागि)
  • वैदेशिक रोजगार बोर्डमा सूचीकृत भएको भए सिफारिस पत्र

ब्याज कति हुन्छ?

यो ऋण वार्षिक ७% ब्याजदरमा पाइन्छ।

धितो के राख्नुपर्छ?

जुन व्यापार/व्यवसायका लागि ऋण लिइएको हो त्यही व्यवसायनै ऋणको ब्याज र साँवा नतिरुन्जेलसम्मको लागि लागि धितोका रूपमा रहन्छ।

प्रक्रिया के कस्तो छ?

  • माथि उल्लेख गरिएको कागजपत्र सहित रिटर्नी माइग्रेन्टस् नेपालमा जानुपर्छ।
  • यसरी कागजपत्र बुझाईसकेपछि रिटर्नी माइग्रेन्टस् नेपालले निम्न कुराको पहिचान गर्छ।
    • ऋण लिन चाहेको व्यक्तिले ऋणको उपयोग कसरी गर्छन्?
    • उद्यमशीलता/व्यवसाय गर्नकै लागि ऋण लिन खोजेको हो/होइन?
    • सिप अनुसारको व्यवसाय गर्न खोजेको हो/होइन?
    • बनाएको व्यवसाय वा परियोजनाले पछि ऋण तिर्न सक्छ/सक्दैन?
    • अहिले ऋण लिइहाल्छु, पछि सरकारले मिनाहा पो गरिदिने हो कि वा अनुदानको रूपमा परिणत हुने हो कि भन्ने लोभले पो ऋण लिन खोजेको हो कि?
  • यी सबै कुराको आधारमा उपयुक्त व्यक्ति पहिचान गरेर रिटर्नी माइग्रेन्टस् नेपालले बैङ्कलाई सिफारिस गरिदिन्छ।
  • यो सिफारिस लिएर एनएमबी बैङ्कमा गई ऋणको लागि आवेदन दिएपछि मात्र बैङ्कले ऋण दिन्छ।

आफूले सिकेको सिप अनुसारको व्यवसाय नभए के हुन्छ?

सिकेको सिप अनुसारको व्यवसाय नभए गर्न खोजेको/रुचि भएको व्यवसाय सम्बन्धी तालिम दिने व्यवस्था पनि छ। यो तालिम राष्ट्रिय युवा परिषद्ले दिन्छ।

व्यवसायको परियोजना बनाउन नआउने भए के गर्ने?

परियोजना बनाउन नआउने भए सामान्य विवरण लेखेर राष्ट्रिय युवा परिषद् जाने र परिषद्ले वित्तीय साक्षरता अन्तर्गत परियोजना कसरी बनाउने भन्ने तालिम पनि दिन्छ।

सिफारिस लिन कहाँ जाने?

रिटर्नी माइग्रेन्ट नेपालको केन्द्रीय कार्यालय

चाबहिल (दीर्घायु गुरु अस्पताल पछाडिपट्टि), काठमाडौँ

फोन: ०१- ४४७५७८३

सिफारिस पत्र नलिई बैङ्कले ऋण नदिने हुँदा एनएमबी बैङ्क जानु अघि रिटर्नी माइग्रेन्ट नेपालको केन्द्रीय कार्यालय गएर सम्पूर्ण प्रक्रिया पुरा गर्नुहोला।

0
0
0
s2sdefault

समाचार

माटो बिना नै यसरी गर्न सकिन्छ अर्गानिक तरकारी खेति
नेपालीहरूले भारतबाट ल्याएका विषादीयुक्त तरकारी खानुपर्ने...
सबै पढौं
धरानका युवाले सुरु गरेको खाना खान सिकाउने अनौठो व्यवसाय 
प्रियङ्का पराजुली भन्छिन्, “अस्वस्थकर जीवनशैलीका कारण...
सबै पढौं

व्यवसाय गाइड

यसरी गर्नुहोस् प्याज खेति
प्याजको भाउ आकाशिएको खबर हामी सबैले...
सबै पढौं

अवसरहरु

सरकारले नि:शुल्क खेती तथा पशुपालन गर्न तालिम दिँदै नया

बाह्य अनुसन्धान महाशाखा, खुमलटार...

सरकारले नि:शुल्क सीप विकास तालिम दिँदै, यसरी दिनुहोस् आवेदन! नया

भैंसेपाटी, ललितपुरको व्यावसायिक तथा...

नेपालको पहिलो महिला टेम्पो ड्राइभर र सफल महिला उद्यमी...

लक्ष्मी शर्मा, ६८ बर्षको हुनुभयो तर पनि ३४ बर्ष अघि एउटा एकल आमाको रुपमा व्यावसाय सुरु गर्दाको बेला जत्तिकै उर्जाशील हुनुहुन्छ।

सबै पढौं

व्यवसायको प्रक्रिया

उद्यमी नेपालले व्यवसाय सुरु गर्न देखि व्यवसाय चलाउन चाहिने सम्पूर्ण जानकारी र सहयोग उपलब्ध गराउँछ ।

व्यवसाय गर्ने निश्चित प्रक्रिया हुन्छ। प्रत्येक व्यवसायिक चरणमा अपनाउनु पर्ने कुराहरूको जानकारी लिएर व्यवसाय गरे व्यवसायमा सफलता हात पार्न सकिन्छ । व्यवसाय गर्दा चाहिने यस्तै अतिआवश्यक जानकारीहरू तपाइले पाउन सक्नुहुन्छ ।

पहिलो चरण

व्यवसाय सुरु गर्ने सोचमा

कुनै पनि व्यवसाय सुरु गर्न निर्णय लिने प्रक्रिया एकदमै महत्वपूर्ण हुन्छ। यसमा कुन व्यवसाय गर्ने , कस्तो प्रकारको व्यवसाय, कति लगानीको व्यवसाय गर्ने, यो क्षेत्रमा अरू व्यवसायीहरू के गर्छन् आदि सुरुवाती अनुसन्धान र निर्णयहरू पर्छन्।

दोश्रो चरण

व्यवसायिक योजनाको निर्माण

यसमा व्यवसाय गर्ने निर्णय गरिसकेपछि, योजना बनाउने प्रक्रिया, योजनाको निर्माण,संचालन योजना, वित्तीय योजना, बजार योजना जस्ता योजनाहरूको निर्माण, योजना कार्वानयन गर्न चाहिने रूपरेखा आदि पर्छन् ।

तेश्रो चरण

सुरु गर्ने प्रक्रिया - लगानी कर्ताको खोजी

यसमा व्यवसाय गर्ने निर्णय गरिसकेपछि, कारोबार सुरु गर्न अपनाउनु पर्ने प्रक्रिया, लगानीकर्ता वा व्यवसायिक पार्टनरको खोजी, व्यवसायको थालनी, नयाँ व्यवसायको बजार व्यवस्थापन, आदिको जानकारी पर्छन्।

चौथो चरण

व्यवसाय दर्ता गर्ने प्रक्रिया

यसमा व्यवसाय दर्ता गर्ने प्रक्रिया, ध्यान दिनुपर्ने कुरा, दर्ता गर्दा पालना गर्नुपर्ने नियमहरू, करकर्जा लगायत कानुनी प्रावधानका कुराहरू पर्छन्।

पाँचौ चरण

संचालन भइरहेको व्यवसाय व्यवस्थापन गर्न

यसमा संचालन भइरहेको व्यवसायलाई संचालन गर्दा ध्यान दिनुपर्ने कुराहरू, व्यवसायामा सुचना प्रविधीको प्रयोग, दैनिक विचार पुर्याउनुपर्ने कुराहरू, व्यवसायका लागि नयाँ अवशरहरू, वित्तीय व्यवस्थापन तथा अनुपालन, मानव संसाधन, आदि पर्छन्।

छैठौँ चरण

व्यवसाय समापन अथवा व्यवसाय वृद्दिको रणनिती अपनाउन

यसमा व्यवसाय बढ्दै जाँदा लिनुपर्ने रणनिती, व्यवसाय बढ्दै जाँदाको व्यवस्थापन, अथवा व्यवसाय बन्द गर्नु पर्ने अवस्थाहरू पर्छन्।